ПОСТАПКА ЗА ОЦЕНА НА СООБРАЗНОСТ

(Извадоци од  ЗАКОН ЗА ВОЗИЛА Сл.весник на РМ бр. 140/2008 и ПРАВИЛНИК ЗА ЕДИНЕЧНО ОДОБРУВАЊЕ НА ВОЗИЛО Сл.весник на РМ бр.16/2010)

За возилата за кои типот не е одобрен во согласност со хармонизираните прописи за ЕУ одобрување на тип, ниту постои одобрение на типот во Република Македонија, а за кое има обезбедено документација за исполнување на сите технички барања може да се спроведе постапка за оцена на сообразност на возилото.
Со постапката оцена на сообразност на возило, за возилото се утврдува неговата сообразеност со техничките барања дадени во овој правилник, во кој се содржани техничките спецификации, еквивалентните со нив правилници на ECE, како и временскиот период за нивна примена.

Во постапката за оцена на сообразност подносителот на барањето за оцена на сообразност доставува:

• барање за отпочнување на постапка за оцена на сообразност,
• фотокопија од претходна сообраќајна дозвола со оригинал за увид (за возилата што претходно биле регистрирани) и
• потврда за исполнување на техничките барања издадена од производителот, застапникот или од независна институција која ќе биде прифатена од Органот за одобрување, односно технички карактеристики и список на одобренија доделени за возилото, неговите системи, самостојните технички единици и составните делови, согласно барањата од Прилогот II на овој правилник;
• за возилата од увоз доказ за регулирани царински обврски,
• возило на лице место.